الأحد، 31 يناير 2016

حبيبتى عصبية وعنادية



حبيبتى ليه كدة عصبية

طبعها حامى عنادية

وانا راضى ومتحمل

وكمان مش حاسة بيا

ما تفهمى ايه بقولهولك

بلاش وسواسك وظنونك

انا عاشق دايب فيكى

والله بقيت انا مجنونك

تقول كلام يزعلنى

واعاتبها تزعل بقى منى

وافضل فيها انا راضى

وان سبتها يبقى ما هممنى

فين حقى انا بقى مااسألشى

قدام دموعها انا ماقاومشى

ان قولت بطلى عصبية

وبلاش بقى تتعبى فيا

تقولى يعنى انا تعباك

مغلباك 
ومعذباك 

خلاص بقى كدة أبعد عنى

 انا الى مابقتش عايزاك

تجيلى حالة من التوهان

وأقول ماقولتش ده الكلام

حرام عليكى تظلمينى

أنا من حبك ما بنام

حبيبتى خلاص هاتجننى

ليه مش قادرة تفهمنى

بيهون عليها تقول ابعد

وتخلى روحى تروح منى

من غيرها انا ايه اكون

دى نبضى قلبى والعيون

دى هى كل ماليا والا عايز غيرها يكون

وعارفها بتموت فيا وقلبها كله حنية

بس هى عصبية مجنونة ايوة وعنادية

وانا عاشق مجنون بيها لو فيها عيوب الدنيا ديا

أنا عاشق ياروح قلبى ربنا يخليكى ليا

بقلمى المتواضع

بسبوسة       

هناك تعليق واحد:

بحث هذه المدونة الإلكترونية

Translate