زعلانة منك قوى ..\\\


زعلانة منك قوى
وواخدة على خاطرى
وأوعا أوعا كدة 
أوعا تقربلى ..

وشيل أديك عنى 
واياك تكلمنى 
ومن الساعة ادى كمان
 تنام بعيد عنى


ايوة وما تبصليش
وتقولى ما هممنيش 


مين فينا المفروض يسأل

وبعد وكمان بيتقل 

طب جرب يالله تقلى

أصلك ما تعرفنيش


أنا احب بكل قلبى

واتمنى جمبك اعيش



لكن لو تنسى حبى

أبيع والا اشتريش


قولت ما تبصليش
وتقولى ما هممنيش


ما تشوف الى عملته
وانتا ما تحاسبنيش
أصلى زعلانة قوى أنك ما حستنيش
كان نفسى تطيب جرحى 
رحت وما جتنيش
دلوقتى رجوعك ما يهمنيش
أعرف بقا زعلى 
علشان ما تزعلنيش
...
بقلمى المتواضع

بسبوسة

هناك 8 تعليقات:

  1. حلوة بجد كلمات رائعة واحساس جميل لزعل بصراحة

    الواحد نفسه اتفتحت لزعل لو كل الزعل بالدلع ده ..

    ردحذف
  2. يا افندم كه مفروض
    ياخد كارت احمر
    ازاي يزعل حضرتك
    ولا بلاش خليها كارت اصفر المرة دي
    احسن انا اللي اخد الكارت الاحمر

    ردحذف
  3. روعة الكلام المعانى الأحساس

    بجد زى ماقال الى علق فوق لو كل الزعل يكون بالدلع ده

    ده الواحد يزعلك على طول

    لأ بجد تسلم ايدك

    ردحذف
  4. مشكوره

    ردحذف
  5. نفسى اقول الكلام ده
    بس قلبى ماطاوعنيش

    ردحذف
  6. الحب بيعمل المستحيل لكن لما تلاقى حبك لا يقدره احد تفكر بالتغير ولو قليلآ

    ردحذف
  7. يا ست الكل
    المسامح كريم
    يا ريت تسامحيه المرة دي
    و اكيد هوا عرف ايه اللي زعلك
    و مش هايكرره تاني
    و الا يبقي يستاهل اللي يجري له

    ردحذف
  8. إللى بيحب بيسامح وبجد لو متأكدة من حبه ليكى سامحى ولازم تعرفى ان لو فعلا بيحبك هو كمان بيتعذب عشانك فى البعد كل حاجة صعبة اووى بجد

    ردحذف

جميع الحقوق محفوظة لمدونةمدونة كلام من القلب2013

تطوير :