السبت، 8 أكتوبر 2011

بيقولى اتغيرت ..\\\


بيقولى اتغيرت
وخلاص اتعلمت
أصل فى بعدك عنى
أنا بجد تعبت
ياما غرورى عمانى
كنت فى حبى أنانى
ياما ضحيتى عشانى
وماختى غير قسوة كلامى
بس انا بقيت انسان تانى
بجد انا اتغيرت
بصتله واتنهدت

وقولتله جربت
بعادى واتعذبت
ودلوقتى رجعت
بتقولى اتغيرت


ماانا كمان غيرنى
جرحك ليا ألمنى
غير مشاعرى كسرنى
لو ناوى ترجع ليا
هاكون انسانة تانية
خلية من كل شىء ضيعته انتا فى ثانية

حب وغرام عشق زمان
وكل حاجة كان ياما كان
تقدر تعيد حبى الى كان
وكل خوفى عليك زمان
لو قادر أهلآ بيك تانى
مش قادر أبعد وانسانى

بقلمى المتواضع 

بسبوسة

هناك 3 تعليقات:

  1. لو هاتقدري ترجعي يا بسبوسة
    يبقي كويس
    لو مش هاتقدري يبقي عوضك علي الله في كل اللي فات
    و ابتدي من جديد
    و اتعلمي الدرس
    و بلاش تدي حد تاني اكثر مما يستحق
    هاتقولي مش هاعرف احب تاني
    يبقي احسن
    هاتقولي هاتعب من غيره
    هاقول لحضرتك انه لما تتعبي احسن ما " ت " لما تتعبي احسن
    هاتقولي عشانه هاسئل حضرتك هوا عمل ايه عشانك


    ممكن ترجعي بس لو كانت دي اول مرة يقول انه اتغير
    بس بشرط انك تكوني قادرة علي تغيير نفسك
    يعني تضغطي علي روحك شوية و بلاش التساهل و التسامح
    انما لو قالها قبل كدة انه اتغير و هايحاول و حاجات كدة
    انسي يا بسبوسة انسيه خالص
    و ريحي نفسك بلا حب بقي بلا بتاع
    و تبقي المدونة دي بتاعة
    هيا المدونة هاتبقي بتاعة ايه؟
    يا افندم انا عايز اسأل حضرتك سؤال مهم
    يعني لو حضرتك بطلتي تحبي الشخص اللي بتحبيه
    طيب احنا القراء الاعزاء بتوع حضرتك اللي بيتابعوا مواضيعك و بينتظروا كل رسالة حب جديدة
    يروحوا فين و المدونة دي هاتبقي ايه بعد كدة " طبق اليوم مثلا "
    اسف لو تعليقي ضايق حضرتك بس اكيد انتي عارفة من تعليقاتك اني متابع حديث و باحب اعلق رغم انه الموضوع في الاول و الاخر يرجع لاحاسيس حضرتك تجاه الطرف الاخر و اللي هوا نفسه ممكن يكون من المتابعين للمدونة
    يا افندم رجاء من احد القراء
    اوعي تقلبيها طبق اليوم
    شوفي العداد اليوم 6945 زيارة و بعدين ؟ تبطلي حب ينفع يعني كدة؟؟؟
    موضوع حضرتك ممكن يكون من الواقع يعني حاجة حقيقية
    و انا ردي علي حضرتك من الواقع و حاجة بجد حصلت
    و ممكن يكون من خيالك
    بس زي القصص اللي الناس بتصدقها " زي الافلام العربي بتاعتنا " كل الناس بتموت بس البطل مش بيموت
    بس هل حضرتك البطل ولا اسمه ايه ؟"
    لو كلامي ضايق حضرتك ممكن تحذفيه

    ردحذف
  2. يسلمووووووووو ISLAM

    ردحذف
  3. انا كتبت تعليق هنا و الان لا اجده
    نكتب تاني و امرنا لله
    بس احنا هانجيب من اين بقي الكلام اللي راح
    طيب اللي راح راح لحاله و نتكلم تاني
    نجيب من الاخر
    دي كانت اخر حاجة في التعليق بتاعي
    عداد الزوار اليوم لمدونة حضرتك
    6951
    كويس زادو 6 من التعليق اللي راح
    طيب ده اولا الناس دي تروح فين بقي
    الحبيبة " اللي هما الناس اللي بتحب يعني " و المتابعين لمواضيع حضرتك يعملوا ايه
    ثانيا حضرتك ناوية تعملي ايه في المدونة بعد كدة تقلبيها " طبق اليوم " ولا ايه بالظبط
    ثالثا حضرتك
    ممكن تعطي فرصة تانية لحبيبك
    ما دام بيقول انه اتغير
    بس بشرط
    انه يكون اول مرة يقول انه اتغير
    مش يكون قال قبل كدة كذا مرة انه اتغير و هايتغير و بيتغير و بيرجع تاني
    و في شرط تاني ان حضرتك تتغيري و تبطلي تساهل و تبطلي تدي " تعطي "
    لانه اللي بيدي من غير حساب و الطرف الاخر مش بيحترم ده
    يبقي كدة بيظلم نفسه
    يعني لو كان اول مرة يبقي احتمال كبير انه يكون بالفعل اتغير
    لو الكلام ده مش جديد يبقي حضرتك تنسي و تشوفي مستقبلك
    هاتقولي عشانه
    هاقول هوا عمل ايه عشانك
    هاتقولي عشاني و مش هاعرف احب تاني و مش عارف ايه
    خلاص ما تحبيش تاني هاتتعبي احسن لما تتعبي دلوقتي احسن ما تتعبي بعدين
    القراء هايقولوا انه الي بيعلق ده اللي هوا انا يعني عايز يخرب الدنيا
    انا بقول لا انا عايز الطرفين بعيشوا في سعادة
    كلام حضرتك ممكن يكون حكايات من خيالك و بتعجبنا و بنعلق عليها
    و ممكن تكون واقعية و انا بتكلم من الوقع
    لو المشاكل ابتدت كل واحد يروح لحاله و يبقي عمل كدة عشان اللي بيحبه قبل ما يكون عشان نفسه
    احسن ما تبقي العيشة كلها مشاكل
    و مدونتك تبقي عن المشاكل الزوجية
    حوالي 5,820,000 من النتائج (عدد الثواني: 0.30)
    السطر اللي فات عن البحث في محرك البحث جوجل
    بكلمة " مدونة المشاكل الزوجية "
    يعني مش ناقصين
    يا رب يكون كلامي واضح للناس اللي بتحب و اللي عايزة تحب
    لو الطرف الاخر مش بيقدر كل حاجة بتتعمل علشانه يبقي يغووووووووووور
    كدة احسن
    و تبقي طبيخ تبقي طبيخ احسن ما تبقي مشاكل زوجية
    طبعا انا لا ارف حضرتك ولا اعرف الطرف الاخر و الامر في النهاية بيكون راجع لاحاسيسك
    و انا قلت قبل كدة في تعليق هنا انه صاحبة المدونة حنينة
    اكيد احساسها عالي

    ردحذف

بحث هذه المدونة الإلكترونية

Translate