أعترافاتى ...///

شارك هذا:
راح أعترف ليك وأأقول عن كل شىء فى حياتى مجهول

قولت انى ببنى بينى وبينك الف صور

وصار غموضى ليك شك وظنون ..

دى اعترافاتى عن كل حياتى شوقى وحبى وكمان أهاتى

راح أقولك عن كل صفاتى جاهز تسمع أعترافاتى ... !!

أنا بنت بسيطة وعادية حلمت زى كل البنات باأحلام وردية 

واتمنيت انى أقابل حب يهز كيانى من جوة 

وفضلت أحلم واتمنى بحب وبيت عيلة ولمة 

ويكونلى هو كل حياتى واكون انا ليه كل الدنيا 

ومرت الأيام وكانها ثانية وقبلت انا الحب وقولت ده الجنة

اندفعت فى حبى ومقدرتش استنا أديته حب وشوق ملكته الدنيا

وبالنهاية بعنى وراح لوحدة تانية 

من يومها قولت خلاص لا حب والا أخلاص

هاقفل بيبان قلبى معدش فيه أحساس

خيانته بقت بشوفها فى كل الناس ..

ولما شوفته انا قولت ايه جبنى قلبى ارتعش معرفش أيه صبنى 

لقيت حنين هزنى ملكنى سيطرنى 

وخفت لحسن يكون قلبى معدش مقفول 

وجه وراح فى بالى ظنون ورا ظنون 

قولت أكيد خاين بايع غشاش 

أيه راح يفرق عن باقى الناس راجل واحد منهم عديم الأحساس

ولكنى وقعت فى الخيبة حبيت من اول ثانية 

خبيت ودريت قال يعنى مش مهتمة 

مع أنك اول ما تغيب ببقا عايزة أقول استنا 

ايه بس جرالى وغيرنى خلانى بقيت وحدة تانية 

علشان كدة انا كنت بخاف تيجى عنيك فى عنيا ليها ترتاح

دلوقتى سمعت اعترافاتى غصبآ عنى البعد القاسى

كنت بحبك رغم أنى كنت كتير بدارى أحساسى

وشوفت بعنيك كل الحب حسيت أنك أهلى وناسى 

أيوة بحبك انا بعلنها بعلن أنك كل حياتى 


 





بقلمى المتواضع

بسبوسة
شارك هذا:
Reactions:

قصص خيالية ورومنسية بقلمى

اضف تعليق:

2 comments:

  1. صادقةالإحساس رائعة الكلمات تنساب الكلمات من بين حنايا أشواقك لترسم لوحة دقيقة المعالم نقية الألوان
    تحــــــــــــــــــــــــياتى

    ردحذف
  2. اشكرك على تعليقك الجميل ومرورك الرائع لصفحتى
    لك خالص تحياتى

    ردحذف

أختار موضوع عشوائى لقرأته من المدونة