قضيتى أنا رأى عام كلامى واضح أكيد تمام
هاقول لدنيا عن حالى هاعلى صوتى بأعلى كلام
سنين عايش وانا مظلوم وحقى فى الحياة مهدور
ساكت والا بتكلم غصب عنى مجبور
وناس واخدها بالقوة وانا فى طبور الصبر لسة مجاش عليا الدور
لأمتى أحلامى هاتتهد وتحطو قدامى مية سد
قررته الدنيا تكون ليكم ومنعتوها عن اى حد
قضيتى وهعلنها وهاقول لناس مضمونها
من حقى اكون داخل الدنيا واشوف بعنيا أنوارها
سنين عايش فى ظلامها
ومكنتش وحدى ده ناس كتير ياما داقت مرارها
ياريت ده كان اختيار الدنيا كنا قولنا ده اختيارها
لكن ده اختيار القوة الى فرضت علينا حصارها
تعبت خلاص وفاض بيا قررت أعملها قضية
وانادى بأعلى صوت ليا واقول كفايانى مطاطية
دى قضيتى مش أى قضية
دى قضية ناس مقهورة فى ذل وعبودية
وناس بتنام على ريش نعام وتقول ده حقى الى ليا
طب فين حقوقنا بس ياناس حد يجاوبنى يرد عليا
مش هامشى لو حبتو الف من الحراس
وفى وشى اترفع مية بندقية
أنا شاب ومن حقى أعيش فى بلدى الى غالية عليا
ليه تجبرونى أسبها واعيش فى غربة وانسا الى ليا
لكن خلاص أنسو الى فات واقف هنا وهاعمل حداد
حتى لو قتلتونى فى غيرى واقف بالمرصاد
أغلال قيودنا اتكسرت وباأينا كلنا فى اتحا د
بقلمى التواضع
بسبوسة
كلامك مالاقى كلام اوصفه بيه
ردحذف