السبت، 16 فبراير، 2013

بتحبنى ..////

بتحبنى .. سؤال سألته ليه كتير 

رد وقالى بحبك وانتى نور العين

بقيت بشك باأخلاصه ليا

وديمآ يقولى أخلاصى أليكى كبير

أحترت بين أصدق كلامه

والا قلبى الى حاسس نحيته بتغير

مابقتش ليه لما ببص فى عيونه

أشوف صورتى .. !

مابقتش ليه أحس بجنونه 

أشوف غيرته .. !

نفسى أدخل فى قلبه 

واعرف أيه حقيقته

بيدارى أيه فى عيونه 

وأيه هى حكايته

كل حاجة فيه متغيرة

ودى حاجة كبيرة ومش صُغيرة

خلاص فاض بيا بقيت متحيرة

كنت اول حاجة فى قلبه

ترتيبى بقا لوارا

معقول مابقاش حببنى

ونسى كل الهواة

مات كل الى بنا 

والا فى فايدة دوا

طب أيه الى عملته 

وأيه ذمبى أنا 

ولما أقوله بتحبنى بيبقا كلى منى

أسمع فى رده 

الى فقدته من سنة
يمكن أكون غلطانة 

ومن تانى نرجع سوا

يرد يقول بحبك وفى حروفها

أحس ان كل شىء بنا انتهى 

بتحبنى نفسى أقولها

واحس تانى بسحرها  


بقلمى المتواضع
بسبوسة



4 التعليقات:

يارا يقول...

كلها على بعضها جميله اوووي تسلم ايدك

basbosa يقول...

تسلى يايارة

مصطفى محمود يقول...

ملوش لازمه السؤال انتى الجواب
و انتى اللى بدلتينى
موتينى وغيرتينى
و جيتى من غير كسوف شايله الحساب
لو تقدرى تهدينى نفسى لما حبتك
لما مسكت ايدك ولقلبى ودتك
و قلت اسكنيه دا جنتك
لو تقدرى تهدينى نفسى
كان ليكى الثواب
ازاى؟!!!!
وانتى العقاب
انتى اللى بالانانيه راميه قلبى فى التراب
ميهمكيش اذا كنت ميت وألا حى
كل اللى هامك انى اكتب اسمك بالنجوم فوق السحاب
كل اللى هامك انتى وبس
واتسطر عالجبين الدرس
واترميت لوحدى فى العذاب
لا عمرك فى يوم حضنتينى؟!
ولا عن حالى سألتينى
ولا بالدحكه حتى رسمتينى
و لا عمرك فتحتى بالسعاده عليا باب
فيبقى
ملوش لازمه السؤال
انتى الجواب

basbosa يقول...

وأى جواب ممكن يتقال على روعة كلامك رديت على القصيدة
بطريقة لذيذة وسلسة كدة تنفع دويتو جبار بجد تسلم ايدك موهبتك واسلوبك رائع ومميز وبجد بيسعدنى وجدك ديمآ بمدونتى واعليقاتك الجميلة

إرسال تعليق

تايع مواضعنا على بريداك الالكترونى