عايزة انساك وينمحى من بالى ذكراك
عايزة انساك عايزة انسا كل لحظة كنت فيها معاك
عايزة انسا حبى ليك
غرامى والا حنينى ليك
نفسى أمحى كل حاجة بتفكرنى بيك
أديتك حب ماحستهوش
وحنان وغرام ما يتوصفوش
صدق وطيبة وأخلاص
عارفة انك ماجربتوش
عايزة انساك واقتل حبك جواية ومعاه هواك
عايزة اتعلم انى أعيش حياتى بلاك
صعب عليا ان انا فكراك
وانتا دابحنى وناسى هواك
صعب عليا انا لازم أنسا
كل الى انا عشته معاك
عايزة انساك انا عايزة انساك
عايزة أشوفك مااتأثرش
واسمع صوتك ومادمعش
عايزة اتحرر من أحساس
أنى على بعدك ماقدرش
عايزة ماحسش بشوق اليك
والا حنين وخوف عليك
نفسى قلبى لما يشوفك
ما يتمنى يقول خليك
عايزة انساك وانسا الماضى كمان وياك
أشوفك صدفة وماعرفكش
وتتكلم وماسمعكش
وتيجى عينى فى عيونك
لا قلبى يدق والا حبكش
.jpg)
بقلمى المتواضع
بسبوسة
0 التعليقات:
إرسال تعليق