بيقولى غلطى اتحملى بعدى
بيقولى غلطى توهى من بعدى
يمكن غلط عشان حبيتك
او غلط عشان مشاعرى اديتك
يمكن غلط عشان صدقتك
واتمنيت اكون فى بيتك ...
اى غلط فيهم عملت علشان بالقسوة قويتك
يمكن بتلومنى عشان فى القلب خليتك
او بتلومنى عشان فى ألمك حسيتك
قولى ده حب ده والا عذاب
أديك قرب أخد غياب
تاخد منى حلو كلامى أخد منك كل عتاب
أيوة غلط بجد انا عارفة ...
علشان كنت معاك والا فارقة ...
أتحملت قساوة قلبك علشان كنت فى بعدك خايفة
كنت بحس غيابك عنى ليل ملهوش نهار
كنت بخاف تروح وتسبنى بعدك اعيش فى النار
لكن صدقنى بأمانة بعدك كان أحلى قرار
أتخيلت فى قربك جنة لقتنى بعيش وسط النار
أيوة غلط ان كنت بتسأل على طول المشوار
من يوم ماعرفتك وانا بغلط من غير أعذار
وجه الوقت عشان تعرف مين فينا كان الغلطان ...
جنة حبك كانت زيفة وجه الوقت عشان تنهار
^^^^^^^^^^^^^^
بقلمى المتواضع
بسبوسة
0 التعليقات:
إرسال تعليق