الثلاثاء، 18 مارس، 2014

عدى العمر وبقى عشرين ..///

عدى العمر وبقى عشرين 

الايام بتعدى كتير 

ايوة عقلت شوية شوية 

أيوة حصل فيا تغير

ما بقتش البنت العندية 

وبطلت انا أكل العسلية 

حسيت انى كبرت خلاص 

وكفاية بقى أفعال طفولية 


كنت تشوفنى تقول شعنونة 

والا كمان هاتقول مجنونة

بلعب واجرى واعمل عقلى 

بعقل عيال لسة فى سنة أولى 

لكن دلوقتى بقى خلاص 

عقلة وراسية كلى ثبات  

بنت لطيفة حلوة رقيقة 

وكلامك ويايا بحساب 

عدى العمر وبقى عشرين 

انسو بقى شغل المجانين 

مابقاش منى غصبآ عنى 

بقيت زى الناس العاقلين 
  

بقلمى المتواضع
بسبوسة  

1 التعليقات:

إرسال تعليق

تايع مواضعنا على بريداك الالكترونى