الخميس، 25 سبتمبر 2014

قلبى اللى حبك ...///

قلبى الى حبك مش بأيده

أختارك انتا بقيت حبيبه

والا فكر فى أى حدود 

والا حتى أنك مش نصيبه

قلبى الى حبك ملك ليك

عاشق ودايب روحه فيك

بيقولك انتا حبيب حياتى

أبيع الدنيا واشتريك

قرب تعالى وبص ليا 

ماتشلش عينك من عليا

أيوة بشوف صورتى فى عنيك

وصورتك موجودة فى عنيا 

بحس أنى ملك ليك

وبحس أنك ملك ليا

بنسى معاك كل الحدود

وبنسى أنى فى الوجود

بعشق كل كلمة منك 

بسرح فيها وبدوب

فى وجودك شمسى قمرى 

وفى غيابك الغروب 

بحس أنك أنتا قدرى 

حكاية عمرى والمكتوب 

أنتا كل حاجة ليا فى دنيتى أغلى محبوب

قلبى الى حبك مش هالومه مهما كان

شوفت فى حبك المحبة والغرام

صحيح سهرنى ليالى ما كنت بنام

لكن وجودك حلى مرار كل الأيام

ايوة بحبك بعشق منك اى كلام

حتى صمتك او تنهيدة بسمع منهم احلى كلام

طيبتك حبك عشقك شوقك 

فيهم ليا احلى غرام

هافضل احبك واعشق قربك 

كل لحظة فى عمرى كمان 


بقلمى المتواضع
بسبوسة

هناك تعليق واحد:

  1. حلوة قووووي
    و كل - كلمة - فيها ♥حكاية♥ لوحدها
    ربنا يخلي لنا قلم حضرتك المتواضع

    ردحذف

بحث هذه المدونة الإلكترونية

Translate