الأحد، 23 نوفمبر 2014

هموت بعدك مش هعيش ..////





اوعي تفتكري حبي ليكي كلام فوق السطور 


حبي ليكي ما يتمحيش طول العصور

حبي ليكي حب طاهر 


مش عشان كلامي ساخر 


ابقي ما حبيتكيش بجد


قبلك انا ولا كنت حاجة 


معاكي حسيت نفسي حاجة 


اوعي تنسي اي حاجة قالها قلبي ليكي وعد 


اوعي في يوم تفكري اني هناك ده يبقي بعد


ده انا اقرب ليكي منك و احنا الاتنين لبعض

اوعدك يا حبيبتي هاجي و اخطفك و نعيش لبعض


هاخطفك يا حبيبتي ايوة مش هاسيبك عند حد


تقضي ايامك معايا اوعدك مش ويا حد

حكايتنا اللي ابتدت من سنين طويلة مش هاتخلص


الرواية لسة فيها فصول كتيرة مش هاتخلص


هاتتكتب بقلمك انتي حبر قلمك مش هايخلص 


اوعدك حبك في قلبي عمره في يوم ما ينقص

اوعي تمشي اوعي تفتكري اني بعدك اعيش 



 هاموت بجد هاموت بجد

ما انتي ساكنة جوا قلبي و احنا الاتنين بيننا وعد


احنا الاتنين بينا وعد عمر ما يفرقنا بعد

احلامي كلها حلمتها ليكي و عشانك 


مين غيرك انتي ممكن يوم يبقي في مكانك

لو هاتمشي خدي وياكي روحي ما تسيبيهاش لحد


احنا بينا وعود و كلام بجد 


تبقي ليا و ابقي ليكي عمر ما يفرقنا حد 


انتي ساكنة جوا قلبي عمر ما يفرقنا بعد


حياتي قبلك كلها كانت كلام مش افعال و جد


معاكي يا قلبي كلامي بقي افعال و جد 


وعد مني و انتي معايا تبقي اسعد حد 


حبي ليكي مش قليل حبي ليكي حاجات كتير 


حبي ليكي مش حكاية بتنتهي فوق السرير

اوعدك اعوضك عن كل ظلم 


اوعدك يا حبيبتي تبقي اجمل ام

 

بقلم حبيب متواضع

هناك تعليق واحد:

بحث هذه المدونة الإلكترونية

Translate