حبيبتى عصبية وعنادية

شارك هذا:


حبيبتى ليه كدة عصبية

طبعها حامى عنادية

وانا راضى ومتحمل

وكمان مش حاسة بيا

ما تفهمى ايه بقولهولك

بلاش وسواسك وظنونك

انا عاشق دايب فيكى

والله بقيت انا مجنونك

تقول كلام يزعلنى

واعاتبها تزعل بقى منى



وافضل فيها انا راضى

وان سبتها يبقى ما هممنى

فين حقى انا بقى مااسألشى

قدام دموعها انا ماقاومشى

ان قولت بطلى عصبية

وبلاش بقى تتعبى فيا

تقولى يعنى انا تعباك

مغلباك ومعذباك 
خلاص بقى كدة أبعد عنى
 انا الى مابقتش عايزاك

تجيلى حالة من التوهان

وأقول ماقولتش ده الكلام

حرام عليكى تظلمينى

أنا من حبك ما بنام

حبيبتى خلاص هاتجننى

ليه مش قادرة تفهمنى

بيهون عليها تقول ابعد

وتخلى روحى تروح منى

من غيرها انا ايه اكون

دى نبضى قلبى والعيون

دى هى كل ماليا والا عايز غيرها يكون

وعارفها بتموت فيا وقلبها كله حنية

بس هى عصبية مجنونة ايوة وعنادية

وانا عاشق مجنون بيها لو فيها عيوب الدنيا ديا

أنا عاشق ياروح قلبى ربنا يخليكى ليا

بقلمى المتواضع
بسبوسة       
شارك هذا:
Reactions:

قصص خيالية ورومنسية بقلمى

اضف تعليق:

1 comments:

أختار موضوع عشوائى لقرأته من المدونة