الثلاثاء، 5 فبراير 2013

لسة بحبه وبعترف ...////

لسة بحبه وبعترف القلب بعده بيحترق

فكرت بعدى عنه سهل 

لقيت روحى عنى بتفترق

أيوة بحبه وبعترف

لسة بحبه وشوقى نار ليه 

أيوة بحبه أعيش ازاى بعديه

جواية حنين وغرام

كل القسا قلبى نسيه 

فين ألمى منه فين كرهى ليه 

معقول ياقلبى كل الى عمله 

ببساطة غفرت ليه 

جرحك وخانك بكيت الدمع منه

دلوقتى بتبكى عليه 


لسة بحبه وبعترف 

وقلبى طالب منى أسامحه

بيقول ياريت خليه 

أديله فرصة تانى أسمعيه

نادم طالب حنانك عنك أوعى تصديه

هو حبيبك وروحك

ومين من البشر الغلط معصوم عليه 
..



كلام من القلب


بقلمى المتواضع
بسبوسة

هناك 3 تعليقات:

  1. بعد اعترافك عاوزه تانى اقولك ايه
    غيبى فى حضنى واسرحى ويا حنانك فيه
    خلينى عايش جمب منك و اغفرى فى الحب قلبى وعلميه
    ازاى يسامح زى قلبك واللى مفيش زييه
    اعذرينى لو فى عشق حب ناقص
    ما اهو انتى هتكمليه
    خليكى فى حضنى دوبى كل الخلاف
    عمرى ما حسيتك اوى غير بيه
    اى كلمه بعد اعترافك ذنب
    الا حضنى
    دا مفيش كلام بعديه

    ردحذف
  2. أيه الجمال ده كلماتك تجنن تحفة بمعنى أصح لأ دانتا تيجى تكتب مواضيع بالمدونة عندى هو ده الحل الوحيد لوعة كلامك لازم نستغلك

    ردحذف
  3. ربنا يكرمك والله كلامك هوه اللى بيحركنى اقول كلامى دا و انا ليا الشرف انى اكتب فى مدونتك تسلمى يا رب

    ردحذف

بحث هذه المدونة الإلكترونية

Translate