أيه بس غيرك منى
وانتا فى كيانى وحتة منى
بقى همك خلاص مش همى
وبقيت خلاص تبعد عنى
دانا الى حبى مالهوش حدود
وبقولها ليك وبعلو الصوت
أرحم قلبى خلاص بيموت
أيوة تعبت وفاض بيا
مابقتش ليه حاسس بيا
دانا برضوا حبيبة قلبك
والله انا زى ما هى
بتقولى موهومة غلطانة
ومكانتى دى فى أعلى مكانة
راح اقولها ليك انا بأمانة
على حبى ليك مش ندمانة
لكن مخنوقة زعلانة
بتجرحنى وتألمنى وتجيب عليا انا الملامة
بقيت بنام دموع عينى بتحكى ألمى وأنينى
وتشكى ليك لكن انتا والا حاسس بتعذيبى
انا الى قبل ما اتكلم بتفهم عايزة ايه منك
دلوقتى أيوة بتألم وألمى حتى والا همك
فمن حقى أقول مالك
وأيه غير كدة أحوالك
كنت ليك انا الدنيا ..
دلوقتى ليه انا مش فى بالك ؟؟؟
أدتنى ليك كتير أعذار
لكن مش قابلة أعذارك
عيونى تعبت من البكا
وقلبى انكوى بنارك
مافيش شئ يبعدك عنى
ده كان كلامك وقرارك
عايزنى ليه أقبل بعذر جايبه من نسج خيالك
بتبرر بيه أسلوبك افعالك
أيه غيرك منى تعبت
أسألك مش لقيا جوابك
بقلمى المتواضع
بسبوسة
0 التعليقات:
إرسال تعليق